خلى بالك من أمك، وحطها فى العين دى هى أم واحدة وصانا عليها ربنا ونبينا الزين، وبعد الحبيبة أمنا هنلاقى حنان فين؟.. تعبها فينا هيفضل علينا دين، ورضاها علينا هينفعنا يوم الدين.. من قبل ما تيجى الدنيا ديه ماتعبش فيك إلا هيه.. ولو لتعبها فيه هدية تبقى الروح عليها شوية.. تسع شهور زاد حملها.. تعبت فيهم وحدها.. ولا حد حبك أدها، وما لكش حبيب بعدها.. مين غيرها دلعك، وحس باللى يوجعك.. لو اشتكيت راح تسمعك، ومين غيرها هينفعك؟.. لو طلبت عينك إديها.. عن أى إنسان بديها.. ولو مزعلها راضيها.. دى الجنة تحت رجليها.. دا الدنيا بكل ما فيها ما تسوى دمعة عينيها!!
