يخرب مطنك بقى.. دوختينى وياك.. بسأل عن القطة.. واسأل عن القطاقيط.. والعلم خش الرأس.. ولا اتحبس ف الشنطة.. يا إما عدى الحيط.. وابص ع السبورة.. نفسى افهم الصورة.. مش لاقى غير شخابيط.. ودم الولاد ف الحوش.. ماتوا من التخطيط.. أصل اللى واضع الخطة.. لا عمره شاف القطة.. ولا شدها من ديل.. ولا عاش معاها الليل.. ولا شاف تعب أو ويل.. أو حمل هد الحيل.. آخره يقص شريط.. جايب معاه الفأر.. وينططه ع الحيط.. ركز ف شغلك بقى.. وبطل التزييط!
