يا رئيسنا يا رئيس الدولة.. انت بجد واخدها مقاولة.. بنقول لك قدم أعمالك.. عمال نازل فينا مزاولة.. يا رئيسنا اسمع لثوانى.. تيارك خلانا نعانى.. كفرتوا اللى ماهوش إخوانى.. وماشوفناش من إيدكوا محاولة.. وبجد أنا مش لاقى معانى..
أوصف بيها العصر الدامى.. كل شوية خداع قدامى.. ويقول لك دا رئيس إسلامى.. الإسلام بيقول لك اعدل.. مش غيّر قرارات فى ثوانى.. مش اسجن أو اقتل واعزل.. مش حرّم أفلام وأغانى.. أنا مش هاسكت كده من تانى.. وهقول رأيى بصوتى العالى.. إن بجد نظامنا الحالى.. خبط ورزع ولعب عيالى.. ولو المرسى هيرسى شوية.. على شط مدينة أحلامى.. هيلاقى النهضة الحقيقية.. موجودة فى قلبى ووجدانى!!
القاهرة - المطرية
