ياللا نفتش ع الرفوف.. بالعقل نقرا ونشوف.. كام ألف بحث ملفوف.. صحابه واخدين دكتوراة.. بحوث فى كل المجالات.. مناقشاها الكليات.. مسقف ليها الميات.. كدا قولوا الحمد لله.. تقميح بالمية مالحة.. تفليح والأرض صالحة.. تسليح تصليح اللى طالحة.. مخطوط كاميرا مصاحباة.. فى الصيدلة والهندسة.. والعلوم لعل وعسى.. والطب حاجة كويسة.. ترضى الخلاق فى سماه.. حنشوف أبحاث الذرة.. نقراها أكتر من مرة.. أبحاث جوه مش بره.. صاحبها اللى كاتب نساه.. وأبحاث القانون والدين.. إصلاح الرمال والطين.. تحلية مياه البحرين.. ولكل مرض بحوث دواه.. نظام واتحاد وعمل.. دول دايما كانوا الأمل.. كان المطلوب اكتمل.. كل بحث نابنا بلاه.. كنا زمانّا فى سابع سما.. وداوينا الطرش والعمى.. كان حب الرمل اتحمى.. لو فى بحث نفذناه.
المكس
