يا شعب من غير عصبية ولا تفكير بسوء نية.. دى حكومتك ذكية وأكيد ليها نظرية.. خضارك وفاكهتك بالمجارى مروية.. عشان خصوبة الأرض الزراعية.. ولحمتك أسعارها نار ومعديه.. عشان خايفة عليك م النقرس والأمراض المعوية.. وأسماك نافقة على المسطحات المائية.. عشان تبقى فسيخ للأعياد الموسمية.. وطلباتك فى الاعتصامات مفيهاش حاجة متلبية.. ده نوع جديد من أنواع التربية.. وتقول يا شعب مفيش مسؤول بيرد عليا.. زيهم زيك خطوطهم موقوفة من الموبايلات الصينية.. وتقول فلوس كتير دفعتها ضريبة عقارية.. الضرائب مصلحتك أولا واسأل وزارة المالية!.. حتى لو علبة السجاير مكتوب صحتك فى العلبة ديا.. ماتخفش ياشعب الحكومة أكيد ليها نظرية!!
محام
