x

اشتدى يا أزمة تنفرجى

الجمعة 10-09-2010 08:00 |

الكرب كرب.. شرق وغرب.. عمال يحرجم.. عمال يقرب.. ونفسه يشرب.. من دم بلدى.. وأنا مش هسلم.. ولاعمرى أهرب.. الكرب كرب.. يا رافعة راسك.. فوق الخلايق.. الكل فارق.. وانتى اللى باقية.. الكل غارق.. وانتى اللى ساقية.. تروى الشراقى.. تطرح حقايق.. لأجل الغلابة.. تاكل وتشرب.. الكرب كرب.. لا هقول سياسة.. ولا نفسى فيكى.. أنا نفسى يفضل.. شقاكى ليكى.. ولا الحرامى.. كان ابن عمك.. ولا الخواجة.. عمره شاريكى.. أنا بس شايل.. ف قلبى همك.. ودمى دمك.. وروحى أقرب.. الكرب كرب.. أنا اللى رافع.. جبينى خيرك.. أنا اللى فارد.. قلوعى نيلك.. وف عز عتمة.. سواد عدوك.. أنا اللى أنور.. بدمى ليلك.. الكرب كرب.

ahmed.kaddah_mcc@yahoo.com

قد يعجبك أيضا‎

قد يعجبك أيضا

النشرة البريدية