كشف الحساب خده شعبان.. وطار بيه ع السما ف أمان.. فيه حسناتنا وسيئاتنا.. وقعنا ف عرض الرحمان.. والله اللى خلق الإنسان.. أسسوه وعلموه البيان.. بأمره حياتنا ومماتنا.. بعت لينا شهر الغفران.. هل هلال شهر رمضان.. للتوبة وتجديد الإيمان.. نعوض خيرنا اللى فاتنا.. فى حداشر شهر الخربان.. صيام وقيام وزكا كمان.. ونلغى م العيشة العصيان.. والخصام وسوء سِكّتنا.. وتهل روايح الجنان.. الحسنات تطفى النيران.. و«مالك» حيطلع خسران.. والكسبان فى آخر صراطنا.. بالأحضان ياخدنا «رضوان».. تبارك سبحانه المنان.. بيحاجى علينا م الشيطان.. وبيقبل منا توبتنا.. بشرط نبطّل دوران
المكس.
alikacem2002@yahoo.com