خايف عليك يا مرية.. يا لؤلؤة الزمان.. ونعمة م السما هدية.. زى طبق بنور داير ما يدور.. متألقة دايماً ع الكورنيش يا صبية.. يا سلام عليك لما شمس الأصيل تتمخطر وتميل.. على وش الميه.. جمالك ربانى بكل المعانى مشرقة للكل.. لسحر جمالك يا إسكندرية.. صعبانة على يا منى عينى م اللى جاروا عليك بمبانى عشوائية.. الكل بيبنى ويعلى.. والمسؤول غايب تملى.. وهو دة مغزى القضية.. المخالفات كل يوم بتزيد.. وما فيش جديد.. وشعبك هو الضحية.. الزبالة أكوام وتلال.. أصبحت سمة تميزا الأحياء الشعبية.. يا ناس يا هوه يا مسؤولين عن المرية.. نظرة للشوارع الداخلية.. شوارع كتير مش مرصوفة.. للأسف معروفة.. لأعضاء المجالس المحلية.. يا مسؤولين يا أهل الشرف والدين.. ياريت نظرة عطف وحنية.. دى إسكندرية مرية.. عيب علينا نشوه صورتها بأدينا.. وعار فى جبين الإنسانية
مدير عام سابق.