غراب البين زعق علينا بالخراب.. بياكل الشهد واحنا بنسف التراب.. عايش حياته نعيم والشعب مكوى بالعذاب.. واللى ما يحمى ظهره تتعشى بيه الكلاب.. غراب البين مص دم التعبانين.. وباعها ياناس متقشرة للمرتاحين.. وبعدما ضاعت بنسأل مصر فين.. فين بلد السيدة وسيدنا الحسين.. فين لمة الجيرة وناسها المؤمنين.. مصر نهشتها الديابة السعرانين.. مصر اللى خيرها يكفى العالمين.. مش لاقية تكسى ابنها من الطماعين.. ولا لاقية لقمة لبنتها من السفاحين.. لكن يا ترى الكلام ده بنقوله لمين؟!