قال الفنان رامي صبري إنه لم تكن بينه وبين عمرو دياب في يوم من الأيام أي خلاف أو كره، مشيرًا إلى أنه قام بالتحدي وغناء أغنية محسود لسببين الأول حبه لذلك النوع من الاغاني والثاني ليظهر للجمهور علاقته المحترمة للهضبة.
أخبار متعلقة
ونشر «صبري» صورة عبر «إنستجرام»: «أولاً أنا عملت تحدي لأغنية محسود علشان حاجتين، أولهم علشان الاغنية حلوة اوي وانا بحب النوع ده من الاغاني الحان صديقي الملحن خالد عز، ثانياً علشان اقول للناس كتير من الجماهير إن العلاقة بيني وبين الفنان الكبير عمرو دياب علاقة محترمة من عندي ومن عنده حتي الكلام اللي وحش اللي دايما بشوفه على السوشيال ميديا مكانش بيغير حبي واحترامي ليه بالعكس انا كنت بشتغل اكتر إني اعمل أغاني مهمة وده حصل اخيرا من انهارده».
وتابع: «عايز الجمهور الكبير جمهور عمرو دياب يفهم اني بحترم هذا الرجل وبحترم تاريخه جدا ومفيش بنا أي عداوه أو كره ذي ما بعض الناس بتقول. مبروك الالبوم يا هضبه ودايما مشرفنا وفخورين بيك وشكرا لكلامك الحلو».
