وصف الدكتور أيمن نور، رئيس حزب غد الثورة، نفسه بـ«العملة الصعبة عندما كانت الشجاعة أيام حسني مبارك هي العملة الصعبة، وأيضاً أنا العملة الصعبة عندما أصبح العقل في الوقت الحالي عملة صعبة»، مضيفاً: «المناخ السياسي العام في البلد صعب إنك تعمل فيه بإخلاص وحب للوطن».
أخبار متعلقة
وقال «نور» في حوار لبرنامج «مصر الجديدة» على قناة «الحياة 2»، مساء الإثنين: «أنا العملة الصعبة لما كانت الشجاعة هي العملة الصعبة، وبرده أنا العملة الصعبة لما بقى العقل دلوقتي عملة صعبة».
وأضاف: «البلد محتاجة عقل دلوقتي، الشجاعة الحمد لله الكل بقى شجاع، حتى الناس اللي كانت بتنسحق تحت حذاء النظام السابق تحولوا لشجعان وأبطال، لما أحس إن بلدي محتاجة شجاعة هدفع عمري ليها، ولما ألاقي بلدي محتاجة العقل والحكمة لازم أكون أول الحكماء والعقلاء لإن بلدي محتاجه ده دلوقتي».
وأكد أن «المناخ السياسي العام في مصر يصعب أن تعمل بإخلاص وحب للوطن، لإن دائرة التخوين والاتهام ستكون مصيرك مهما كان موقفك»، مضيفاً: «فيه (تسفل) زائد أصبح يهدد كرامة الإنسان».
