كشفت الفنانة صابرين، تطورات حالتها الصحية وتفاصيل إصابتها مؤخرًا بفيروس «كورونا»، في مداخلة هاتفية مع برنامج «التاسعة» على شاشة القناة الأولى.
أخبار متعلقة
وقالت صابرين: «يا جماعة خلوا بالكم لأنها بتيجي من غير أعراض، دايمًا كان يبقى فيه كحة جامدة وسخونة ونعزل الناس، بقينا كله موجب، وحاسة الشم فقط هي اللي بينت، لحد امبارح ماكنش عندي أعراض، ابتدى بقى امبارح زوري بيحرقني أوي ومناخيري، وكل اللي شاغلني دلوقت ماما ربنا يسترها».
وأضافت: «أخويا ومراته معزولين في بيتهم ومراته تعبت أوي، والنبي يا جماعة أبوس إيديكم خلوا بالكم، الموضوع مش حلو ومفيهوش أعراض، لازم الإجراءات الاحترازية محدش يخرج إلا في الضرورة القصوى، معلش إحنا نسينا شوية نغسل إيدينا ونحط كحول على طول، ومقدرش أحدد جاتلي منين، المتاعب بدأت من بالليل عندي، عندي أولادي 16 و14 سنة عزلوا نفسهم في أوضهم، بدعواتكم إن شاء الله هبقى كويسة».
كانت صابرين قد كشفت أمس الأول عن إصابتها بفيروس كورونا عبر حسابها على «فيسبوك» وكتبت: «الحمد لله إيجابي كورونا دعواتكم».
وأصيب 3 أفراد أخرين من أسرة صابرين بالفيروس بينهم زوجها وشقيقها وزوجته.
