قالت الفنانة إلهام شاهين، إنها لا تخاف من الأدوار التي تمثلها، وتتطلب منها أن تكون أكبر من عمرها الحقيقي، بالإضافة إلى أنها لا تخاف أيضًا من مسألة القبح في الأفلام، مؤكدة أنها لا تقلق من مسألة شكلها أو مظهرها في الأفلام.
أخبار متعلقة
وأضافت «شاهين» في ندوة فيلم «حظر تجول» بمهرجان القاهرة السينمائي: «من أول ما عملت بطولة وبقى بيجيلي بعدها أدوار صغيرة كنت بقبلها، جالي دور ٧ مشاهد في فيلم ووافقت، وكل اللي حواليا كانوا رافضين، وكسبت جوايز كتير من الدور الصغير ده، أنا مش بخاف من القبح يعني في الهلفوت مخفتش من قبح الشخصية وكنت عايزة لون بشرتي يبقي أبيض متسخ».
وتابعت: «مش بخاف أيضًا من إني أعمل دور كبير في السن، يعني عملت فيلم موعد مع الرئيس، والدور في الأساس كان معروض على فاتن حمامة، وكان عمري وقتها ٢٥ سنة، وعملت أم لبنت عندها ١٥ سنة.
واستكملت: «منذ صغري وأقوم بأدوار أكبر من سني، وميهمنيش أن كل الأدوار تبقى كبيرة، مضيفة: «أنا طلعت أم لحسين فهمي وأشرف عبدالباقي ومقلقتش، بالإضافة إلى إني عملت واحدة عندها ٨٠ سنة وأنا في منتصف التلاتينات، أنا دائمًا سعيدة بده ومش بخاف إطلاقا من الأمور دي، بالعكس هي بتحمسني لإني بتحدي نفسي، ودائمًا بكسب».
