أزمة في عروض «القاهرة السينمائي» بسبب تذاكر العروض

يواجه القائمون على الدورة 42 لمهرجان القاهرة السينمائي الدولي أزمة كبيرة بسبب قلة عدد تذاكر الفعاليات يوميا، والكثير من الصحفيين والجمهور يشكون عدم وجود تذاكر للعروض رغم أن المسارح متاح بها أماكن فارغة بالفعل، والأمور للأسف تسير في نفق مظلم، لأن البعض تتوفر لهم دعوات تصل إلى 10 في الفيلم الواحد دون تكبد معاناة الوقوف على شباك الحجز، وآخرون يواجهون دائما مقولة sold out.

من جانبه اعترف المدير الفني للمهرجان أندرو محسن وكتب عبر صفحته الشخصية على موقع التواصل الاجتماعي فيسبوك :«إحنا بنحاول نلاقي حلول للضغط على التذاكر، أول يوم كان فيه مشاكل كتير اتحلت نسبيًا اليوم التاني، ولسه بنحاول نلاقي حلول تانية».

وأضاف: «لكن فيه مشكلة ملهاش حل للأسف وهي إن القاعات كلها شغالة بنصف سعتها، المسرح الكبير اللي كان بيشيل أكتر من ألف كرسي أصبح فيه 500 بالظبط، والقاعات الأصغر مشكلتها أكبر، المسارح اللي سعتها 200 أصبحت بتشيل 100 كرسي فقط، وده رقم قليل جدًا بالنسبة للإقبال الموجود أنا عارف، بس دي حقيقي حاجة ملناش يد فيها على الإطلاق».
وتابع: «حاولنا نعالج ده بعرض بعض الأفلام 3 عروض، وبنحاول دلوقتي نعمل عرض تالت لأفلام تانيه لتفادي المشكلة، خاصة بالنسبة لمسابقة سينما الغد، وكثيرون يريدون مشاهدة الأفلام ومش بيلحقوا، وعارف إن الناس أحيانًا بتدخل تلاقي لسه فيه كراسي فاضية نتيجة إن فيه ناس بتحجز ومش بتيجي العرض، وبنحاول نلاقي حل لده برضه».
وأشار: «بعتذر لكل حد محتاج يحضر فيلم والتذاكر خلصت وبعتذر لأي حد طلب مني تذاكر بشكل شخصي ومقدرتش أوفرله. استأذنكم تحاولوا تحضروا العروض التانية أو التالتة هيبقى سهل توفير تذاكر ليها، وشكرا على تفهمكم».