صورة جديدة تنشرها الفنانة نرمين الفقي وعلقت عليها :« #اللهم 🙏آني أسالك توفيقًا في طريقي وراحه في نفسي وتيسيرًا في أمري رب أعوذ بك من شتات الأمر ومس الضر وضيق الصدر اللهم أمين 🙏يارب العالمين# » - صورة أرشيفية
تصوير :
آخرون
وجهت الإعلامية سالي شاهين تساؤلا للفنانة نرمين الفقي خلال استضافتها في قناة «dmc» خلال حفل افتتاح الدورة الـ42 لمهرجان القاهرة السينمائي الدولي أمس حول سر رشاقتها و«بتحافظي على حلاوتك إزاي؟»، وهو ماردت عليه «نرمين»: «مش بعمل حاجة،الطبيعي والله».
أخبار متعلقة
وأشارت «نرمين» إلى قلبها وقالت مازحة: «يمكن عشان قلبي فلة، عشان كدة محافظة على حلاوتي» .
وأوضحت: «على حسب الموود ، والحقيقة أنني أهتم بالرياضة، لو بوظنا في الأكل شوية نتراجع، لو الموود بتاعي مضبوط بمارس الرياضة وأنضبط، لو بدأت اكتئب بأكل، وبطلع هم في أي حاجة، بطلت أعمل كدة وبطلت الخصلة دي، وبطلت أكل كل ماأكتئب».
وتابعت «نرمين»: بعد «نيتفليكس» و«واتش إت»،أصبحنا نتابع الأفلام خلالهم، لكني جاية أتفرج في المهرجان، قبل ماأتابع المنصات كنت بقول إيه ده، بس بقيت بتابع بشكل جنوني وخاصة لو حلقات معينة .
وحول أعمالها الجديدة قالت: أصور حاليا مسلسل «لؤلؤ» مع مي عمر، وعندي عمل آخر لرمضان المقبل، لكني سأكون حريصة على التواجد في فعاليات المهرجان.
وحول تواجدها سينمائيا سألتها «سالي»: «انتي فين من السينما؟»،فأجابت «نرمين»: «فين السينما منى؟ معرفش، أنا سايبة نفسي، اللي بيتعرض على ويعجبني وبعمله، إللى مبيعجبنيش مش بعمله، وبحاول أقدم أعمالا متوازنة، وعايزة أفضل في الحتة اللي أنا فيها».
View this post on Instagram
