دافعت الفنانة هنا الزاهد عن زوجها الفنان أحمد فهمي في اشتباكاته اللفظية مع لاعب الزمالك، محمود عبدالرازق «شيكابالا».
أخبار متعلقة
وكتبت «الزاهد» عبر حسابها على «فيسبوك»: «بعيدا إن شهادتي فيه مجروحة لأن الناس هتقول بقول الكلام ده عشان جوزها. أنا لا بفهم في الكورة ولا بتفرج عليها بس بشوف قد إيه الإنسان ده بيحب يكون عفوي وبينسى إنه ممثل وبيتعامل مع كل الناس بكل زوق حتى في الشارع وفي التصوير وفي كل مكان والناس اللي عارفاه عارفين ده كويس. أنا عارفة إن الناس بتفضل تقول لا ده ممثل مينفعش يقول رأيه».
أضافت: «بس للأسف الانسان ده بينسى وبيخسر من كتر ما هو اللي في قلبه على لسانه، ومش بيحب ينافق ولا بيرضي حد عشان يكسب جمهور زي ما ناس كتير بتعمل كده. لما بيكتب رأيه بيكتبوا على اكونت فيس بوك اللي في صحابه زيه زي أي حد اهلاوي بس للاسف بتطلع اخبار بالكلام اللي بيقولوا»
وختمت برسالة إلى زوجها قائلة: «عموما انا عايزة اقولك انك قلبك طيب وعفوي بزيادة وبتقول اللي جواك من غير متحسبها عشان بتنسى انك ممثل اصلا بس الايام دي مينفعش تبقى كده للاسف. واعمل اللي يريحك لانك انسان واحنا كده كده بنحبك جدا».
كان «فهمي» اعتذر لـ«شيكابالا» بعد تعرضه للتنمر على يد مشجعين شبهوهه بـ«الكلب» عقب مباراة فريقه أمام الأهلي في نهائي دوري أبطال أفريقيا، لكنه سرعان ما سحب اعتذاره بسبب رد اللاعب على جماهير نادي الأهلي.
