قدم مجموعة من شباب محافظة بورسعيد أغنية «سلم نفسك يا حسين»، للتعبير عن الأزمات التي يعاني منها الشعب المصري في عهد الرئيس محمد مرسي، وقالوا إنها مهداة إلى الشعب المصري.
وقال معتز الدهشان، المصور والمخرج، إن الأغنية هدفها «تسليط الضوء على المشاكل اللي بنعيشها كل يوم, وفيه شخص سيئ بيسبب مشاكل كتير للمواطنين, والشخص ده هو أي حد بيعمل حاجة غلط, بداية من أكبر مسؤول لأقل مواطن».
وأضاف «الدهشان» في تصريحات لـ«المصري اليوم»، الثلاثاء، أن «المجتمع مش رئيس وحكومة فقط, فيه مواطنين ممكن يبنوا وممكن يهدوا, ومش أي حاجة غلط تبقى غلطة حكومة, إحنا الشعب محتاجين نتغير للأحسن».
وأكد أن سبب عمل الأغنية في التوقيت الحالي، يرجع إلى «قطع الكهرباء المستمر, ومشكلة رغيف العيش وإهانة المواطن في طوابير العيش وتحديد أكله بعدد معين من الأرغفة، مشكلة البنزين اللي كانت موجودة من فترة ومازالت موجودة في أماكن كتير».
وتقول كلمات الأغنية: «مش عارف أجيب أنبوبة غاز واحدة لبيتنا.. وأنا من سنتين النور قاطع على حتتنا.. وأنا عربيتي اتسرقت واتباعت لجارتنا.. وأنا مش لاقيه العيش وبطاقة التموين.. سلم نفسك يا حسين محناش طايقين إنت الطرف الثالث من يوم 25».
وتضيف: «وأنا قاعد مش لاقي وظيفة بعد الثورة.. وأنا بنزل مشاويري كإني نازلة مناورة.. وأنا مدرستي اتقفلت واتمسحت ببشاوره.. وأنا واقف في طابوري مش لاقي نقطة بنزين.. سلم نفسك يا حسين محناش طايقين إنت الطرف الثالث من يوم25».
ثم «أنا خايف لصباع من اللي بيلعب يلمسني.. وأنا خايفة لـ(درانك دريفر) يدوسني.. وأنا بعت الكنبة وباب الشقة اللي ناقصني.. وواحد قالي إلبس علشان كلنا خارجين.. سلم نفسك يا حسين محناش طايقين إنت الطرف الثالث من يوم25».
وأخيرًا: «هو اللي اخترع الفتنة وعمال يلاعبنا مع إننا مسلم ومسيحي بجد تعبنا.. هو السبب الأول في الهم اللي راكبنا.. وأدي أخرتها بنشحت من كشك ملوش بتارين».
