أبدى الفنان مصطفى درويش سعادته بردود الأفعال التي حققها دوره في مسلسل «إلا أنا» ضمن حكاية «ربع قيراط» التي تشاركه بطولتها ريهام عبدالغفور، وتذاع حاليا عبر قناة dmc.
أخبار متعلقة
وأعاد «درويش» نشر «بوست» لإحدى الصفحات الخاصة بمواطني مدينة دمنهور التي ينتمي لها «درويش» حيث تعود أصوله ومسقط رأسه إلى محافظة البحيرة.
وجاء بالبوست الذي اعاد «درويش» نشره عبر حسابه الرسمي على «فيسبوك» والموجه إليه: «نصيحة بلاش تنزل الشارع الفترة دي..عشان احنا واخدين الموضوع جد شوية..مصطفى درويش ابن دمنهور Mostafa Darwish».
وواجه مصطفى درويش العديد من الانتقادات بسبب الشخصية التي تفاعل الجمهور معها حيث يجسد دور «أحمد» زوج ريهام عبدالغفور الذي يخونها رغم أنها دعمته وقدمت له كل شئ،
وتلقى رسائل منها: «منك لله يا شيخ، حوشى يا خايبة للغايبة، اللى حصل المفروض يكون درس لكل ست بجد، وقفت عند ريهام عبدالغفور لما قالت لجوزها ده أنا استخسرت اجيب قلم روج وهدومى دابت عليا عشان اوفرلك، ووجعنى أكتر لما أخد منها كل حاجة وسابها من غير شقة، لا ورايح عايز يدفع مصاريف مدارس لعيال مش عياله عادى ،كل ده يعلمنا ايه، يعلمنا أن كل ست بتضحى وتاخد على قفاها، اللى بتتنازل عن حقوقها ومش بتصرف وتدلع ومفحوتة في البيت مع جوزها ومريحاه ومش بتطلب حاجة مش بتاخد ف الآخر غير الهم والبهدلة، اللى بتستخسر في نفسها وتهمل من نفسها، في الاخر بيروح بالفلوس اللى وفرتيها يتجوز واحدة حلوة ومدلعة وحاطة ميكب وواخدة بالها من نفسها، أظن كل ست المفروض تفوق ومتعملش كده في نفسها«.
وهو ماقابله «درويش» بالرد عبر حسابه الشخصي: «أنا خايف دعوة من الدعاوي اللي على أحمد تلبس فيا بجد يارب انت عارف إنه تمثيل وإني مصطفي».
