وجهت الفنانة نشوى مصطفى الشكر لكل من وقف إلى جوارها في محنة مرضها بفيروس كورونا وكل من دعا لها بالشفاء واتصل بها ليطمئن عليها وخصت بالشكر الرئيس عبدالفتاح السيسي بعد استجابته السريعة والتوصية بنقلها إلى المستشفى الخضوع للعلاج.
أخبار متعلقة
تابعت «نشوى» خلال مداخلة هاتفية مع الإعلامي وائل الإبراشي في برنامج «التاسعة» بدا خلالها تأثير الفيروس على صوتها وتغيره: «عيطت لما ابني قالي على كل الناس دي اللي بتدعيلي.. وبطالبهم يخلوا بالهم من العدوى.. أنا لا رحت الجونة ولا شاركت في حاجة وكانت كل مشاويري عادية للسوبر ماركت زي أي ست».
وأثنت «نشوى» على الجهود المبذولة من وزارة الصحة والمستشفيات العامة لاحتواء الفيروس مقارنة بالمستشفيات الخاصة وأوضحت: «مفيش مستشفى خاص رضيت تقبلني لأنها مش مجهزة.. والمستشفى الحكومي فيه دكاترة زي الورد اد ابني وبشوشين وفاهمين وسايبين بيوتهم عشان يؤدوا عملهم وربنا يحميهم في الوقت اللي جالي فيه في البيت دكاترة خدوا 8 آلاف جنيه لمجرد الكشف فقط».
ولفتت «نشوى» إلى أن احتياج الفنان للعلاج بالمستشفى العام لقدرتها على علاج كورونا وليس المال.
وأضافت «نشوى» بصوتها المتقطع : «أرجوكم منفرطش في الإجراءات تاني.. أنا كل رعبي كان على ولادي.. وإنهم مش عايزين يبعدوا عني وكنت خايفة عليهم لأعديهم».
وعن كيفية إصابتها بـ«كورونا» قالت: «أنا اتدهولت..مكنتش متخيلة إن هيجيلي كورونا وكنت بكذب نفسي لآخر لحظة».
وناشدت الفنانة جمهورها: «أرجوكم الصابونة في جيبكم متخرجوش كتير إلا الضرورة بلاش تقربوا من حد وحط كمامة من أم 3 جنيه حتحميك من ألم ربنا ما يكتبوا على حد».
