كلبة أحمد فهمي تُبكي هنا الزاهد.. والفنان: «أنا خوفت.. أكيد مضطربة نفسيًا»

شكى الفنان أحمد فهمي من غيرة زوجته الفنانة هنا الزاهد من كلبته «زيزي»، من سلاسلة «يوركشاير»، والتي وصلت إلى حد بكائها في إحدى الليالي، مُعبرة عن انزعاجها من اهتمام «فهمي» بحيوانهما الأليف، حيث غضبت الفنانة من قضاء «فهمي» ساعات طويلة مع كلبته، ما جعل «فهمي» يشك في صحتها العقلية ويضحك على تأثرها برعايته لـ«زيزي».

وقال «فهمي» في برنامج «أبلة فاهيتا»، المُذاع عبر قناة «ON»، حينما سُأل: «طنط زيزي علاقتها إيه بطنط هنا؟»، علّق: «بيغيروا من بعض جدًا، زيزي لو أنا ماسك إيد هنا متجننة عايزاني أسيب إيديها، وهنا مرة قريب من شهر لقيتها بتعيط في الأوضة والله مش بقول أي كلام، دخلت افتكرت حاجة حصلت لقيتها بتقول لي أنا بجد بقيت اتضايق من موضوع زيزي أنت قاعد معاها طول الوقت وسايبني وبتلعبوا مع بعض».

تابع: «كانت بتتكلم بجد جدًا فأنا خوفت على نفسي قولت دي مضطربة نفسيًا أكيد عشان غيرانه من الكلبة»، وعندما تلّقى سؤال حول «الحاجة اللي زيزي أخدتها منك؟»، قال: «دايمًا بتمشي منكوشة في البيت وفصيلتها علطول شعرهم ناعم لكن هي منكوشة، وبتستحمي قليل وأنا بستحمى لما بتوسخ لكن بحب النزول في حمامات السباحة»، ولفت إلى أنه يعتقد أن الكلاب تأخذ من صفات أصحابها: «يعني آسر ياسين كلبه اعتقد بيتكلم إنجليزي وكلاب أحمد السقا هتكون جدعة جدًا وقت ما أكلمها هتجيلي».