وجهت وفاء صلاح الدين، المرشحة لانتخابات مجلس النواب عن دائرة شبين الكوم بالمنوفية، وصاحبة فكرة تعدد الزوجات مادام الراجل يقدر جسمانيا على حد قولها، رسالة جديدة للسيدات في مصر على صفحتها الرسمية.
أخبار متعلقة
ومما جاء في نص الرسالة: «رسالة لجميع السيدات.. مهما كبرتى وربنا كرمك في وظيفتك ووصلتى لأعلى المناصب أوعى تنسي إنك في الأول والآخر أنثى»، وتابعت: «في الأول والآخر مفيش مقارنة بين الرجل والأثنى، الرجل ليه احترامه وتقديره وحبه وإحنا اتربينا على إننا نشيل (حذاءه) فوق راسنا لأنه هو اللى ساتر عرضنا».
وأضافت: «أنا شايفة إن الواحدة مهما توصل لأعلى الدرجات في العمل العام في النهاية ليس لها إلا بيت جوزها، حتى لو بقيت رئيسة وزراء في النهاية، أنا كامرأة لو وصلت لأعلى المناصب مش هقول لزوجي أنا سيادة النائبة، وأنا إتربيت على إن الست خادمة لزوجها، وهو ما يأمر به الدين».
يذكر أن المرشحة نالت العديد من الانتقادات بسبب فكرة تعدد الزوجات، إلى جانب قيامها بعمل جلسة تصوير تحمل فيها رمزها الانتخابى وهو ثمرة الموز كنوع جديد من الدعايا الانتخابية.
