تنصلت هدير الهادي، «فتاة التيك توك» المتهمة بنشر مقاطع فيديوهات تتضمن ألفاظًا إباحية، والتي صدر قرار بتأجيل محاكمتها أمام المحكمة الاقتصادية، اليوم الثلاثاء، من الفيديوهات المنسوبة إليها على المواقع الإباحية، قائلة: «دي واحدة شبهي مش أنا».
أخبار متعلقة
وقالت «الهادي»، خلال تحقيقات النيابة العامة: «الفيديو اللي اتنشر على المواقع الإباحية دي واحدة شبهي مش أنا، ونزلت فيديو تكذيب على الحالة بتاعتي على الإنستجرام، واتمسح تلقائي بعد 24 ساعة، وبعدها عملت فيديوهات قولت مش أنا اللي في الفيديو الإباحي».
وأضافت: «بعمل فيديوهات عادية بحرك شفايفي على الأغاني، وهناك فيديوهات تانية برقص عليها علشان أجيب متابعين للأكونت وأجيب إعلانات كتير، وكنت بصورها في البيت أو الشارع، أو في الساحل الشمالي، وبنشرها عشان بحب أنشر حياتي اليومية».
وتابعت قائلة: «أنا مفيش بيني وبين حد من جنسية عربية علاقة غير شرعية، ومكنش فيه غير الفيديوهات بتاعت حمام السباحة بتاعتي والإسكرين شوت اللي متاخدة من حساباتي خاصة بي فعلاً بس الإسكرينات بتاع مواقع الإباحية دي مش بتاعتي».
وعن تفاصيل القبض عليها، قالت: «كل اللي حصل إنه جاللي مكالمة من واحد معرفهوش، وقاللي إنه بيكلمني على (سناب شات)، وأنا قولتله إن حياتي فيها بهدلة ومحتاجة فلوس، قاللي تعالي نتقابل في الحصري في أكتوبر، وهبعتلك فلوس عن طريق المحامي بتاعي ولما روحت هناك لقيته ماسكني، وقاللي إنه ضابط وخدني على الشقة بتاعتي، ولم حاجات من الشقة وبعد كده وداني على إدارة الآداب، وأول ما روحت هناك سألوني عن الفيديو بتاع واحدة شبهي نازل على المواقع».
وواصلت: «أنا قولتلهم إن اللي في الفيديو مش أنا وجابولي دكتورة كشفت عليا، وقالت لهم إن مش أنا اللي في الفيديو، وكانوا بيسألوني على باسوردات الأكونتات بتاعتي وبعدها جيت النيابة، ومحصلش إني صورت فيديوهات وأخدت مقابل عليها فلوس، أنا بس كنت بحاول أزود الفلورز بتوعي عشان الشركات تخليني أعلن عن منتجات بتاعتهم».
