اعتذرت الإعلامية رضوى الشربيني، عن تصريحاتها المثيرة للجدل عن الحجاب، في أول تعليق لها، بعد قرار لجنة الشكاوى بالمجلس الأعلى لتنظيم الإعلام فتح تحقيق عاجل معها، في الشكاوى التي تلقاها المجلس بشأن ما صرحت به في أحد البرامج حول «غير المحجبات».
أخبار متعلقة
واستهلت «رضوى» حلقة اليوم من برنامجها «إنتي وبس» الذي يعرض على «سي بي سي»، بهذا الاعتذار، وقالت: «أنا غلطت أو أفورت في طريقة تعبيري أو في حاجة عايزة أقولها عن المحجبات، لأن أنا قابلت ناس كتير من المحجبات في الفترة دي قالولي عايزين نقلع الحجاب عشان مش عارفين نخرج مع أصحابنا غير المحجبات، ووقتها طلعت وقعدت أشكر في المحجبات لكن الشكرانية دي جت على دماغ اللي مش محجبات، وحسوا أنهم مش كويسين، وبعتذر جدًا لو أنتو فهمتوا ده».
وقالت: «مفيش حد هيدخل جنة أو نار إلا بإذن ربنا سبحانه وتعالي، ولكن أنا كان قصدي أقول إنه أن المحجبة عملت اللي عليها وأكتر مني ومن اللي مش محجبة، لكن ده مالوش أي علاقة بأن اللي مش محجبة ست مش كويسة ولا أنا هكون مش كويسة، ولكن فيه الكويس من المحجبات واللي مش كويس، وده برضه ينطبق على اللي مش محجبات، وربنا هو اللي بيحكم مين هيدخل الجنة ومين هيدخل النار».
وأضافت: «أنا اتفرجت على فيديو الحلقة ولقيت إني أفورت ولقيت ناس زعلانين وإنتو عندكم ألف حق وحقكم على رأسي».
وفي حلقة الأسبوع الماضي من برنامجها «هي وبس» على فضائية «CBC»، وجهت «الشربيني» رسالة لكل من ترغب في خلع الحجاب، وقالت: «اوعي تقلعي الحجاب.. انتي أحسن مني ومن غير المحجبة 100 ألف مرة».
وقوبلت تصريحات «الشربيني» بموجة كبيرة من الانتقادات، حيث رفض الكثيرون تفضيل المحجبة على غير المحجبة، ووصف غير المحجبات بـ«الشيطان»، فيما اعتبر آخرون أن التصريحات بمثابة تشجيع للمتحرشين، وتصريح من شأنه زيادة العنف ضد المرأة.
