كشف المخرج أكرم فريد، الذي يقوم حاليًا بتصوير أحدث أفلام دينا الشربيني «ثانية واحدة»، عن تعرضه لسرقة مرتين وبنفس الطريقة خلال ستة أشهر.
أخبار متعلقة
ونشر «فريد» صورة لذراعه، عبر حسابه على «إنستجرام»، يكشف بها آثار مقاومته للسارقين.
وحكى «فريد» تفاصيل الوققعتين عبر حسابه، وكتب: «لثاني مرة في خلال ٦ شهور فقط يتم سرقتي بنفس الطريقة، موتوسيكل بدون لوحات معدنية وشخصين عليه، في المرة الأولى تمت سرقة موبايلي من على أذني وأنا أتحدث، وقمت بعمل محضر في القسم وبالطبع استعوضت ربنا على التليفون، والمصيبة إنه كان الساعة ١١ مساءً، يعني في عز الزحمة».
وتابع: «واليوم نفس الطريقة وبرضه موتوسيكل عليه شخصين خطفوا شنطة يدي، وفيها كل حاجة بمفاتيح بيتي بفلوسي بشواحن الموبايل بسماعة الأذن، وبرغم مقاومتي طبعا هما على موتوسيكل ومندفعين قطعوا إيد الشنطة وطاروا بالشنطة واللي فيها».
وأكد أكرم فريد أن الطريقة المتبعة في المرتين هي نفس الطريقة والأسلوب، مضيفًا: «وتتفاجأ لما تروح تعمل محضر إن ده حادث بيتكرر كل يوم كتير، وناس كتير بتقولي ده حصلنا وحكايات كتير وفي مناطق كتير. دي صورة ايدي بعد اللي حصل.. ربنا ستر بس معقول ده يحصل ويوميًا».
ويعكف المخرج أكرم فريد حاليًا على تصوير فيلمين في نفس التوقيت، وهما «ثانية واحدة» بطولة دينا الشربيني ومصطفى خاطر، و«صابر وراضي» بطولة أحمد آدم ورزان.
