حرصت الفنانة ليلى علوي، على إحياء الذكرى الثالثة لرحيل والدتها، والتي تحل اليوم الثلاثاء 25 أغسطس.
أخبار متعلقة
ونشرت «علوي» رسالة صوتية وجهتها لوالدتها، عبر حسابها على إنستجرام.
وطلت ليلى في رسالتها وهي منهارة بالبكاء، ولم تتمالك نفسها وهي تتحدث لها، وقالت: «3 سنين مبشفكيش بس بشوف عمري كله معاكي، من وأنا صغيرة أوي بشوف قد إيه كنتي أم بميت راجل، كنتي أم وأب، كنتي الأم الحنينة، الجدعة، الكريمة، اللي بتنظملي كل حاجة وبتعملي كل حاجة».
وتابعت: «أمي اللي بتدعيلي وأبويا اللي بيحميني، علمتيني الدين والأخلاق، وحشتني أوي ياماما، يا حبيبة قلبي، ياروحي، أنا بدعيلك على طول وعارفة إن شاء الله تكوني مرتاحة، وإن شاء الله في الجنة وحشتينا كلنا، وعلى طول معانا وشايفينك».
ثم بكت وقالت: «ربنا وحده اللي عالم إن كل نفس بطلعه بقول ماما».
يذكر أن، نيفين علوي، الشهيرة بـ«ستيلا» رحلت في نفس هذا اليوم عام 2017، وكانت تعمل بإذاعة البرنامج الأوروبي حتى قبل رحيلها.
وكانت ليلى، قد نشرت أمس عبر حسابها على «إنستجرام»، صورًا تجمعها بوالدتها الراحلة، وكتبت: «كل يوم بيعدي عليا وإنتي مش معايا ملوش طعم، كل فرح ونجاح وانتي مش جنبي ناقص، كل لحظة باشتاق فيها لحضنك ونصيحتك وقوتك ودعمك باضعف أكتر وباشتاقلك أكتر، من يوم ما مشيتي كبرت فجأة، وحسيت إني طفلة فجأة».
أضافت: «كبرت لما بقيت لوحدي مضطرة أواجه الدنيا وأخلي بالي من نفسي وإبني وكل اللي حواليا واخد بالي من كل التفاصيل لوحدي.. وحسيت إني طفلة لما لقيت نفسي تايهة ومحتاجالك ونفسي بس اسمع صوتك ..سنة كاملة تانية مرت على فراقك وانتي لسه واحشاني ولسه محتاجالك يا أعظم أم ف الدنيا.. وحشتيني يا ستيلا».
View this post on Instagram
