طوال عامين انتشرت صورة شابة تتقارب ملامحها من الإعلامية وفاء الكيلاني، لذا اعتقد البعض أنها هي لكن قبل سنوات ماضية، إلى أن خرجت الإعلامية منذ ساعات تنفي تلك المعلومة المغلوطة، رافضة أي تنمر تعرّضت له الفتاة بسبب تشابهها مع الإعلامية.
أخبار متعلقة
وقالت «الكيلاني» عبر «انستجرام»: «البنوتة القمر دي مش أنا، ومضايقنيش تشبيهها ليا، والصورة دي دايرة بقالها أكتر من سنتين ماعلقتش بشكل رسمي، لأني مش شايفة عيب في ملامحها وشيفاها قمر كمان».
وتابعت: «طول عمري كان نفسي شعري يكون ويفي (مموج) أو كيرلي بدل شعري الناعم، بس حبيت أوضح في الوقت ده، عشان التنمر اللي أصبح ضد صاحبة الصورة على السوشيال ميديا من ناس عينيها ماتعودتش تشوف الجمال فبتقبح كل ماتراه».
ووجهت رسالتها إلى المواقع الإخبارية: «المجلات والمواقع كان نفسي ماتقعش في خطأ المعلومة، ويأخدوا بالهم أن ألف باء الإعلام هو التحري عن المعلومة، والتأكد من مدى سلامتها قبل نشرها»، وأختتمت كلماتها: «تحية للجميلة صاحبة الصورة و(هارد لك) لأصحاب النوايا الحسنة».
