أخبار متعلقة
أشادت صفحة «كلنا خالد سعيد»، الاثنين، بموقف صفحة «أنا آسف يا ريس»، التي أعلنت وقوفها في صفوف المعارضة، بعد نتائج المؤشرات شبه النهائية التي أسفرت عن فوز الدكتور محمد مرسي، برئاسة الجمهورية.
وقالت صفحة «كلنا خالد سعيد»، على موقع «فيس بوك»: «برغم الخلاف الجوهري بيننا وبين صفحة أنا آسف يا ريس.. لكن يظل أن من بركات الثورة إن فيه ناس كتير بدأت تهتم بالسياسة في بلدها وبتتعلمها».
وتابعت: «حتى لو كانت اختياراتهم مش بتعجبنا، وحتى لو كانوا بيعارضوا الثورة نفسها، بس في النهاية في السياسة المواقف بتتغير، وكل منا بينضج مع الوقت، وبيتعلم من اختياراته وانحيازاته».
وثمنت «كلنا خالد سعيد»، موقف «أنا آسف يا ريس»، قائلة: «النهارده هما أعلنوا خسارة مرشحهم، وإنهم مش هييأسوا وهيكونوا في صفوف المعارضة وده المهم».
واختتمت بقولها: «الفرعون بيتصنع لما بيلاقي شعب مش بيحاسبه.. برغم الخلاف الشكلي والموضوعي والجوهري والثانوي والمعنوي والمادي، بس كويّس الروح دي.. وإحنا كمصريين لازم نكون جاهزين لمحاسبة كل مسؤول في الدولة.. إذا أحسن نقول له أحسنت، وإذا أساء نقول له أسأت».
كانت صفحة «أنا آسف يا ريس» قد علقت على فوز الدكتور «مرسي» بالمنصب الرئاسي، قائلة: ««اوعوا تفتكروا إن دي نهاية المطاف، بالعكس دي البداية ومن النهارده إحنا المعارضة رسمي».
وتجدر الإشارة إلى أن غرفة عمليات «المصري اليوم»، صباح الإثنين، أظهرت فوز الدكتور محمد مرسي بغالبية أصوات جولة الإعادة للانتخابات الرئاسية، بعد حصوله على 12 مليونًا و764 ألفًا و322 صوتًا، مقابل 12 مليونًا و201 ألف و549 صوتًا لمنافسه الفريق أحمد شفيق.
