شيماء سيف تتحدث عن أصعب «مقالب» زوجها

كشفت الفنانة شيماء سيف ميلها إلى إطلاق المقالب منذ كانت في منزل والدتها، واستمرت عادتها تلك بعد زواجها من المنتج محمد كارتر، لذا يتبادلان المقالب سويًا، موضحة أصعب المقالب التي تلّقتها من زوجها.

وقالت «سيف» في برنامج «مساء DMC»: «محمد كارتر مش سهل زي ما الناس فاكراه خالص، بالعكس اسأل كل أصحابه بيقولوا لي: أنتي أخدتي حقنا، دا كان إنسان مجرم، وأنا ربنا بعتني ليه عشان أخلص حق الناس كلها، بيعمل مقالب في أصحابة، ويشد الكرسي من تحت الناس قبل ما تقعد ويطلع من كرتونة ويخضهم، عمل بلاوي».

تابعت: «بعد الجواز أنا اللي بدأت المقالب، لأن أنا كنت بحب المقالب في البيت ومع ماما كانت بتبقى خارجة من المطبخ وشايلة كوبايات شاي فاستخبى وأخضها، فتقع يعني حاجات خفيفة». وعبّر «كارتر» عن أسوأ مقلب نفذته «سيف»: «المقلب بتاع وش لبسته، افتكرت أني مُت وبتحاسب، وأنا نايم لو حد عدي من جنبي أو قدامي بصحى بسرعة، هي جت عندي ووقفت قدامي، فجسمي كله أتكهرب».

لافتًا إلى أنه تسبب في إخافتها مدة 5 دقائق، بعد مفاجأتها وتنشغل بوضع السلك الكهربائي بالفيشة، فتخيّلت أنها «تكهربت»، وظل جسدها يهتز في تلك الدقائق، حتى أدركت المقلب.