رحلت سنة وفيها ذكرياتنا.. أفراحنا وأحزانا.. ضحكتنا ودمعتنا.. أمانينا وأحلامنا..
اللحظات الحلوة اللى عشناها وحفظناها فى وجدانا.. أو اللحظات التانية اللى أثرت فينا وعلمتنا.. وخلتنا نراجع نفسنا فى ناس وحاجات كتير حوالينا.. رحلت سنة بحلوها ومرها وكل ما فيها.. وجاية سنة جديدة معاها بداية وأمل.. لكل خطوة نخطها فى طريقنا.. ولكل فكرة نبنيها لبكرة.. بس نصلح أخطائنا.. نتعلم من كل اللى فاتنا.. هنلاقى الخير دايماً فى سكتنا.. سنة جديدة بنستقبلها.. بإرادتنا نقدر نخليها.. أحلى وأحلى من اللى فاتتنا.. نخطف من الأيام فيها لحظتنا.. ونحفظها مع اللى فات من سنين حياتنا.. عشان مهما تعدى سنين.. تفضل الأيام الحلوة فرحة منورة ألبوم حياتنا وأحلى ذكرياتنا.
دعــاء محمـد عبــده ــ الإسكنـدريـــة
