أخبار متعلقة
أكد الدكتور أيمن مختار، محافظ الدقهلية الجديد، أن ملف تحسين البيئة العامة من أهم الملفات التي يضعها على مسؤولية رؤساء المجالس والمدن والوحدات المحلية قائلا: «دى حاجات هاعطيك مهلة تعملها وهاتابعها بنفسى».
جاء ذلك خلال اجتماع أول مجلس تنفيذى للمحافظ بحضور المهندس سعد الفرماوى السكرتير العام المساعد بالمحافظة، وجميع رؤساء المراكز والمدن.
وقال المحافظ: «واجبك إنك تحسن البيئة المحيطة بالمواطن وابدأ بالشارع يعنى مطلوب من كل رئيس وحدة محلية ينزل يعمل لفة تحسين بيئة يشوف خلالها البلدورات المكسرة والأسفلت وأعمدة الإنارة وينظفها ويصلحها وينظف الكشافات ويدهنها، كمان البلدورات يشيل المكسور منها ويدهنها واللوحات الإعلانية والتراب بجوار الأرصفة ويصلح الشوارع المكسرة والبلاعات المفتوحة».
وأضاف لرؤساء المدن: «عايزك تنزل مع رجالتك كمواطن واللى تنتقده تصلحه وسيستمر العمل في الملف ده لمدة 30 يوم سنعمل فيها يوميا حسب صحتك وعزيمتك وتصلح البلاعات وتراجع أسلاك الأعمدة مش لازم ننتظر لما حد يموت علشان نتحرك لأن لو واحد أصيب أنا وأنت هنتحاسب أمام ربنا لازم تعملوا بمبدأ إماطة الأذى عن الطريق علشان كلنا هنتحاسب وأنا لما هانزل أشوف انتم عملتم إيه ولو لقيت حاجة غلط هاحاسبك».
