تحتار الأمهات فى اختيار الأسلوب المناسب لتعديل سلوك أطفالها، الاختصاصية فاطمة مقلد، تقدم ٧ خطوات بسيطة لتعديل سلوك الطفل.
أخبار متعلقة
١- أبدأ أحدد المشكلة اللى بيعانى منها الطفل والسلوك غير المرغوب، وأشتغل على تعديله بطرق إيجابية والبعد عن العقاب البدنى.
٢- أتكلم على السلوك المرغوب وأركز عليه وأبعد عن الحديث الكثير عن السلوك أو الفعل السلبى إللى بيقوم به الطفل.
٣- أشجع السلوك الجيد إللى الطفل قام بيه وأدعمه بمكافآت مادية زى الهدايا وغيرها أو نفسية ومعنوية زى التشجيع. كلمة (شاطر- برافو عليك).
٤- أطلب من الطفل القيام ببعض الأعمال وأضع مكافآت إذ تم الأمر.
٥- ممكن أتجاهل بعض الأفعال البسيطة غير المرغوبة، يعنى مش كل فعل أو سلوك مش بيعجبنى أذم السلوك وأطلب من الطفل أن يغيره (علشان الطفل ميزهقش).
٦- برنامج المحاكاة مع أقرانه أو أخواته فى جلسة جماعية وتشجيع من يقوم بسلوك مرغوب ومكافأته يعطى نتائج كويسة جدا فى برنامج تعديل السلوك.
٧- تشجيع السلوك المرغوب باستمرار والعمل على تعديل السلوك غير المرغوب.
