كشفت داليا عاصم، خبيرة التنمية البشرية، عن قيامها بأول صدقة على روح الفنان هيثم أحمد زكي، الذي رحل عن عالمنا الخميس الماضي.
أخبار متعلقة
وعبر حسابها على «فيسبوك»، كشفت داليا عن وضعها أول مبرد للمياه في معهد ناصر، كصدقة جارية على الفنان الشاب، وعلقت: «فاتورة أول كولدير ع روح هيثم أحمد زكي، ربنا يكرم كل من ساهم في العمل الخيري».
وأكملت في تعليق آخر عبر حسابها: «أنا عاملة ده والله ما علشان شهرة ولا إني أتعرف إني جمعت وعملت كذا، أنا عملت ده لله ولهيثم فقط لا غير».
وأضافت: «فرحانة إن كل أصحابي عمالين يشيرولي منظر الكولدير اللي عملناه ع روح هيثم والحب إلى في قلوبهم ليه، خايفة لأني أقسم بالله ماعملتهم بغرض الشهرة، الغريبة والانتشار في كل المواقع ده، والله يشهد ربي إني عملته والفكرة أما جاتلي علشان أنفع بيه هيثم في آخرته ومش غرض منه إني أتعرف».
وختمت: «والله الدنيا دى فعلا لا تسوي شىء، حبوا بعض قدموا الخير لبعض، مش شرط تعرفوهم أو لا بكرة نكون في مكانهم وساعتها ربنا هيسخرلنا اللي هيدعيلنا واللي هيعملنا صدقة، كل حاجة بنعملها هتترد لينا».
