كشفت إنجي سلامة خطيبة الفنان الشاب الراحل هيثم أحمد زكي، تفاصيل مكالمتها الأخيرة معه قبل وفاته.
أخبار متعلقة
وقالت إنجي، على حسابها على «فيسبوك»: «أنا بجمع صدقة جارية لهيثم أحمد زكي لحفر بئر مياه في المنيا ومحطة تحلية مياه.. البئر هتتكلف 170 ألف جنيه يا ريت كله يعمل شير وكلنا نساعد».
وتابعت: «هيثم آخر حاجة قالها معايا ع التليفون لا اله إلا الله واستغفر الله وقالي قولي الحمد لله متشيلنيش همك، شكرا لكل الناس اللي بتكلمني وآسفه إني مش برد بس اللي عايزله وعايزلي خير بجد ساعدوني أعمل الصدقة الجارية دي ليه».
وأكملت: «دي أقل حاجة أقدر اعملهاله وادعوله كتير هو يستاهل كل حاجة حلوة وحب الناس اللي انا شايفاه ده وكم الدعوات والعمرة والصدقات علشان هو فعلا أطيب قلب.. ادعولي من قلبكم ربنا يصبرني ويجمعني بيه في الجنة ويسكنه الجنة بدون سابقة عذاب ولا عتاب ولا حساب».
هيثم أحمد زكي، توفي في الساعات الأولى من صباح الخميس، داخل منزله في مدينة الشيخ زايد، عن عمر ناهز 35 عاما، إثر هبوط حاد في الدورة الدموية.
