قال الفريق كامل الوزير، وزير النقل، تعليقًا على واقعة مصرع وإصابة راكبين بعد إجبارهما على النزول من قطار 934 «الإسكندرية- الأقصر» في طنطا، إن «الشابين كانا على علم بدرجة القطار قبل الصعود إليه، ولكن هذا لا يبرر الواقعة».
أخبار متعلقة
أضاف «الوزير»، في مداخلة هاتفية مع فضائية «صدى البلد»، مساء الاثنين: «الأول بس، الناس قالوا إن دول اتنين أطفال، لأ مش أطفال، دول شباب كبار، 33 سنة وراكب القطر وهو عارف إنه درجة أولى فاخر مكيف ولازم يركب بتذكرة».
تابع: «رئيس القطار أو الكمسري راح قوّم واحد من على الكرسي (حاجز الكرسي بتاعه ومعاه تذكرة) وقاله روح نط من الباب؟ محلصش، وبرضه ده مش مبرر إنه يعمل كده. الله يرحم محمد عيد المتوفي، ويشفي أحمد سمير المصاب».
وأردف قائلًا: «هما لا قطعوا تذكرة ولا عايزين يدفعوا، والكلام اللي إتردد إنه هيطوّق بـ70 جنيهًا، مفيش تطويقة بـ70 جنيهًا، الغرامة بـ30 جنيهًا فقط للدرجة الأولى، وده ميزعلش حد، ده لصالح شعبنا ولأهالينا».
وشدد الوزير على أن الواقعة نتجت عن «خطأ فردي، ولن نسمح بتكراره»، وأن المسؤول عنها سيخضع لعقاب شديد، مشيرًا إلى تخصيص دورات تأهيل وتدريب ودورات علاج نفسي لمحصلي التذاكر ليحسنوا معاملة الجمهور.
