«يا باشا الناس ما بتخافش غير من اللى لابس بدلة ضابط علشان يمشّوا الطريق»، كلمات قالها شاب بمنطقة فيصل، في محضر استجوابه أمام جهات التحقيق بعد ضبطه لانتحاله صفة ضابط شرطة بمرور الجيزة، وتنظيمه حركة المرور بشارع فيصل.
أخبار متعلقة
بداية الواقعة كانت أثناء مرور قوة أمنية بشارع فيصل، شاهدت شابًا يرتدي بدلة ضابط شرطة، ويقوم بتنظيم عملية المرور للمارة، وعلى الفور توجهوا له للتحقق من هويته، واكتشفوا عدم انتمائه لوزارة الداخلية، ويحمل طبنجة صوت، فألقوا القبض عليه فورًا.
وأثناء استجوابه قال: «أنا كان نفسي أدخل كلية الشرطة وأبقى ضابط، ولما محصلش نصيب دخلت كلية نظم معلومات إدارية»، وأضاف: «أنا من عائلة غنية، وكثير منهم ضباط، وعملت كده علشان الناس مبتخافش غير من الضباط، وكان هدفي أمشّي الطريق، وعارف إن اللي عملته غلط، لكن هما ما بيخافوش إلا كده».
وتحرر محضر بالواقعة، وأخطرت النيابة التي تولت التحقيق.
