قُطَّة سمينة قوى شايفينها قلقانة.. حواليها لحمة كتير بس سعرانة.. عاوزة تكوّش وبس ذمتها خربانة.. تخطف وتجرى بعيد في الغابة هربانة.. دايمًا في حالة شرود في الشر شيطانة.. والحلو زى المر بالاسم درهانة.. واليامه زى الشوية حنانة منانة.. يعجبها شغل اللبط بالهبش ولهانة.. ولو مسكها الناطور.. تقوله مرجانة.. أصيلة بنت أصيل.. أجدادى من غانا.. عارفه الصواب من الغلط وشغلى بأمانة.. بنأدى كل الفروض.. على الوِرد سهرانة.. أنا عفيفة اللسان.. ونِفسى قنعـانة.. في الدنيا زاهدة أنا وعيـــنى مليـانة.. وعشان ضميرى سليم في سريرى نعسانة.. عارفة حدودى قوى.. وفى عملى شقيانة.. كلام جميل تسمعه تقول دى إنسانة.. ومهما صلَّت وصامت بالكدب عريانة.
أخبار متعلقة
على إبراهيم على السايس
مدير عام
بوزارة الثقافة
سابقًا
