علقت المطربة شيرين عبدالوهاب، على وقفها عن الغناء على خلفية تصريحاتها المسيئة في إحدى حفلاتها بالبحرين، إنه «عاوزة أتكلم من قلبي مع كل واحد من أهل بلدي الحبيبة، ومن أهلي وأصدقائي وزملائي؛ اللي قدروا يفهموا ويصدقوا إني لا يمكن أسيء لبلادي اللي أنا كلي من خيرها ولا يمكن أنكر فضلها عليا، بجد باشكركم وباحبكم، وبعتذر للي أساء فهم كلامي من كل قلبي».
أخبار متعلقة
ووجهت شيرين رسالة لما سمتهم بـ«القنوات المأجورة»، في الخارج، قائلة في حسابها على «تويتر»: «بالنسبة للقنوات المأجورة، اللي خدت كلامي وخرجته عن سياقه تماماً وحاولت تستغله ضد بلدي؛ بقولهم إن بلدي خط أحمر، وعمركم ما هاتفرقوا بيني وبينها».
وأردفت: «أحب أوضح لكل الناس اللي حقهم يعرفوا إن ما كُتب عني في الصحافة ونُسب لي غير صحيح بالمرة، وتقدروا تتحقوا من صحة كلامي من الفيديو الموجود مع إنه ممنتچ عن قصد علشان يطلعني غلطان».
ونفت تصريحاتها المسيئة لمصر، مكذبة ما ورد على لسان نقابة الموسيقيين والصحافة، قائلًا: «ما قيل على لسان النقابة والصحافة إني قلت (أنا هنا أتكلم براحتي عشان اللي بيتكلم في مصر بيتحبس)، وطبعاً ده مش حقيقي، وماقلتهوش، لأن الكلمة بتفرق».
وكشفت ما قلته في الفيديو نصًا، بقولها: «اللي قلته نصاً وهو موجود بالفيديو (أنا هنا أتكلم براحتي عشان في مصر ممكن يسجنوني) فيه فرق كبير بين الجملتين».
وأردفت: «أنا كنت بتكلم عن موقف شخصي لما هزرت على المسرح من قبل ورُفعت عليّ دعاوى وصدر حكم بسجني سنة وسددت كفالة، واستأنفت واتلغى الحكم في الاستئناف! وبعدين اترفع عليا جنحة مباشرة عن نفس الواقعة، واتحكم فيها بعدم اختصاص القضاء المصري بما وقع في الشارقة؛ هذا ما كنت أقصده والله أعلم بالنوايا».
واختتمت شيرين بقولها: «بحبك يابلدي مهما حصل، ودايماً #تحيا_مصر».
