أعلن الدكتور محمد عثمان الخشت، رئيس جامعة القاهرة، عن تنظيم حفلين للموسيقار الكبير عمر خيرت بالمجان لطلاب الجامعة، يومي 25 و26 ديسمبر الجاري، للاحتفال بمرور 110 سنوات على إنشاء جامعة القاهرة العريقة.
أخبار متعلقة
وقال الخشت لطلاب الجامعة، عبر صفحته على موقع التواصل الاجتماعي «فيس بوك»: «عايز أقولكم إني وقت لما كنت طالب زيكم كنت بذاكر كويس جدًا وبلعب كويس جدًا، ولم يكن هناك تعارض بين المذاكرة واللعب، وكان اللعب بيجدد نشاطي وبيعمل تنشيط لذهني، وكنت بلاقي استيعابي بقى أفضل، والضغط العصبي بقى أقل، خاصة أن الضغط العصبي بيزيد عليك لو كنت تنافس على المركز الأول على الدفعة».
وتابع الخشت: «إيه رأيكم تجربوا تعملوا زي ما كنت بعمل، وتعملوا بحفلتين ورا بعض للموسيقار عمر خيرت؟ يحضر واحدة لا يحضر الأخرى عشان يعطي فرصة لبقية زملائه، وطبعا الحفلتين مجاني، ولو حد باع التذاكر على قسم الشرطة على طول».
وداعب الخشت الطلاب قائلا: «أنا عارف إن في نوعين، نوع هيقول شايفين أهو رئيس الجامعة كان بيلعب ودول أنا عارفهم كويس أوي، اللعيبة اللي مابيذاكروش غير آخر السنة ودول إن شاء الله سوف أحولهم مكتب، والنوع هيقول إحنا هنذاكر فقط».
وأضاف: «لكن أنا بقولكم جربوا تذاكروا وتريحوا شوية بموسيقى عمر خيرت ونشوف النتيجة هتبقى إيه، عشان إحنا دلوقتي بنغير طريقة التفكير وماشيين بمبدأ الإدارة بالنتائج وصواب أي فكرة بنتائجها على أرض الواقع».
