قال الإعلامي توفيق عكاشة إنه «يعرف ما لا يعرفه الجمهور، وفاهم اللي حضراتكم مش فاهمينه، عايزين تفهموا أنا معاكم، مش عايزين هقدم حلقتي بكل بساطة وهقوم أمشي».
أخبار متعلقة
وأضاف، في برنامجه «مصر النهارده»، على قناة «الحياة»، مساء السبت: «ساعتين إلا 10 دقائق وشكرًا، معدتش زي الأول أضرب 4 ساعات، هقول لك الكلمتين واتكل على الله، سامعاني يا أم حسن؟ ولا أنتي يا أم جمال عمالة تحطي الأكل في الطبق وأي حاجة وخلاص».
وتابع: «إوعي تكوني بتشتري بيض من الدكان يا أم جمال! معندكيش فراخ تبيض لك بيضتين، ولا جوز بط ولا حاجة. الواد ابني راح جاب 4 بطات ودكر وبيقول هعمل مزرعة بط، ربنا يديله الصحة».
وأردف: «ابني في بكالوريوس إعلام، واد زي العسل، خطير، هيعمل مزرعة بط بـ4 بطات ودكر، قلت له إن شاء الله في الآخر هتاكلهم> أهو بيفكر وهو في بكالوريوس، وبياخد نص الشهادة من مصر ونصها من إسبانيا، لكنه ابني ففاهم وعارف إنه لا بد من العمل والإنتاج حتى وإن كان صغير».
