كعادته، سارع شعبان عبدالرحيم إلى تسجيل أغنية تعبر عن الوحدة الوطنية، حيث انتهى أمس من أغنيته «وقفنا فى الميدان وماكنش بينا فتنة»، التى تتناول أحداث الفتنة الطائفية فى إمبابة، فى الوقت الذى أعلن فيه سعد الصغير تسجيل أغنية «مسلمين وأقباط كلنا إخوات» من كلمات الشاعر ملاك عادل.
قال إسلام خليل، مؤلف أغانى شعبولا: لم تستغرق كتابة الأغنية سوى دقائق معدودة وتقول كلماتها «مش هى دى الحرية، ولا هو ده النظام، ولا هى دى المسيحية، ولا هو ده الإسلام، وحياة عيسى ومحمد وبقية الأنبياء، مش هى دى المواطنة، ولا هى دى الأخلاق، الدين مفيهوش تعصب، ولا ضرب نار ولا هدم، والجامع والكنيسة مش ملك لأى حد، عبدالمطلب قال للكافر أما الإبل فهى لى، والبيت اللى انت جاى له ربنا قادر يحميه، كاميليا ولا غيرها لا هينقص ولا هيزيد، دى حاجات كلها مقصودة علشان النار تقيد، يا ناس عايزين نبادر ونحافظ على الوطن، والجيش المصرى قادر، وهيقضى على الفتن، يا عم ياللى واقف ومعطل الطريق، وحياة عيسى ومحمد، الدين منك برىء، الدين ما قلش عطل الناس واعمل قلق، وماقالش أقف وزعق ولا تشتم على الملأ، الدين رسالة طاهرة، الدين مفيهوش عيوب،ماقالش اعمل مظاهرة وكسر وارمى طوب، يوم أطفيح يوم إمبابة يا جماعة ده فعل غريب.
وقال سعد الصغير: اتفقت مع الشاعر ملاك عادل والملحن محمد عبدالمنعم على أغنية تحث على الوحدة الوطنية، ويقول مطلعها «مسلمين وأقباط كلنا إخوات، بالرغم من الاختلاف فى الدين، مفيش فرق بين الاتنين»، وسأصورها خلال أيام، وأضاف لـ«المصرى اليوم»: زرت أمس الأول، مصابى أحداث إمبابة فى معهد ناصر، وتأثرت جدا لأنهم جميعا أشقاء مصريون.
