نشر الموقع الرسمي لنادي الزمالك فيديو لرئيس مجلس الإدارة مرتضى منصور، ولاعب وسط الفريق طارق حامد، حيث تم خلاله الحديث عن أزمة تجديد اللاعب.
أخبار متعلقة
وأكد مرتضى منصور، أن هناك جلسة مساء اليوم الأربعاء، سيتم خلالها حسم الأمر سواء بتجديد عقد اللاعب، أو قيام الأخير بإحضار عرض رسمي للرحيل.
وجاء نص الحوار الذي دار بين مرتضى منصور وطارق حامد كالتالي..
مرتضى منصور: "النهاردة كان في تحقيق مع طارق حامد، احنا عاوزينه يبقى في النادي.
طارق حامد: وأنا كمان عاوز ابقى موجود في النادي.
مرتضى منصور: هانمضي النهاردة العقود بالليل.
طارق حامد: أنا عاوز حضرتك تقدرني ماليًا ونتفق على أرقام.
مرتضى منصور: الجمهور بيقدر برضه يا إما بالورد يا إما بالطوب.
طارق حامد: أنا مقصرتش مع الجمهور في أي حاجة ولغاية آخر لحظة متمسك بالنادي.
مرتضى منصور: وإحنا متمسكين بيك. ونتمنى إنه يمضي أو هايقول أنا عندي عرض خارجي أو في أي مكان، هو عنده شرط جزائي 2 مليون دولار، يعني يقدر في أي وقت يدفع الفلوس ويمشي، والله العظيم ما هنزعل وهانقول له اتفضل، لكن الزمالك متمسك بيك.
طارق حامد: أنا باخد أقل واحد في الفريق واديت للنادي كتير في 4 سنين وناس كتير بتاخد فلوس أكتر مني، وأنا مش هامشي غير من خلال النادي.
مرتضى منصور: يعني أنا لو عاوزك تمشي بأربعة مليون دولار هاتوافق
طارق حامد: إزاي وانت مش عاوز تديني 20 مليون جنيه
مرتضى منصور: انت طماع.. النهاردة بالليل هانحسم كل حاجة وربنا يوفقك ويهديك للصح ولناديك.
