فى حتتنا بشر وبيوت
أخبار متعلقة
وشجر التوت
وحلم العاشق المكبوت وأحزانه
فى حتتنا يموت الخوف بألوانه
ويحكى لنا التاريخ عن ناس كتير كانوا
وهانوا وقت ما هُنّا
وهُنّا وقت ما هانوا
وشُفنا الدنيا بعيوناّ
وخدنا الليل فى أحضانه
ومن يومها عرفنا الغربة ف الأوطان
وورتنا الحياه إن البشر ألوان
ومش كل البشر جدعان
ولا من أهل حتتنا
تعالوا نفتح الأبواب
على الدنيا إللى نسيتنا
نصدق حلمنا الكداب
ونتمشى ولو فى كتاب
مع الأحباب.. فى حتتنا
شعر: أسامة عبدالصبور
