«تحت شعار المنصورة بتفطر مع بعض» شارك المئات من أبناء مدينة المنصورة فى حفل إفطار جماعى، مساء أمس الأول، فى حديقة شجرة الدر على النيل وضم الحفل شبابا وعائلات ونوابا من مدينة المنصورة وضواحيها للعام للثالث، لصالح سداد ديون الغارمات.
أخبار متعلقة
كان شباب «مع بعض نقدر» أطلقوا دعوة على مواقع التواصل الاجتماعى «فيس بوك» للدعوة لإفطار أبناء المنصورة بحديقة شجرة الدر للعام الثالث، وقالوا فى الدعوة «راجعيـــن بعـد رسم البسمة على وجه المنصـورة لمدة موسمين رمضان 2015، رمضان 2016 عملنا أكبر إفطار جماعى خيرى للمنصـورة، ونظراً لانشغال الفريق كله السنة اللى فاتت توقفنـا موسما، بس كان يعز علينـاً جدا الناس اللى كانت بتسألنـا، انتوا مش هتعملوا الفطار السنة دى من الناس اللى حضرت معانا أول موسمين وفطرنا سوا وبالفعل بقـوا جزء من العيلة، لذلك قررنا السنة دى نرجعلكم بشكل أقوى وأفضل كمان من كل سنة بأمر الله، لأن رمضــان هو إلى بيجمعنــا، رمضــان يعنى اللمة مع الصحاب والعيلة والأقــارب وشلة زمـــان».
وأكد أصحاب الدعوة أن الهدف من اليوم هو «المنصورة بلا غارمات» مؤكدين أن تذاكر الحضور مجانية ولكن مطلوب تبرع اختيارى 20 جنيها على كل تذكرة لصالح الغارمات».
وطالبوا بأن «كل أسرة أو شخص يحضر ومعه الطعام الخاص به والعصير ولو أمكن يكون فى زيادة علشان الناس اللى مش هتقدر تحضر بطعامها، لأن رمضان شهر الخير»، مؤكدين حضور مسنين وأيتام من دور الرعاية وبمشاركة جمعيات أهلية وتجمعات شبابية وقالوا «هيكون مشرفنـا طبعا المسنين والأيتام والمحتاجين هيكونوا قاعدين وسطـنا وكلنا نسيج واحد وهيا دى فكرة الصيام أصلاً إنك تحس بالمحتاج».
وقبل الإفطار ومن بداية اليوم يقوم فريق «مع بعض نقدر» ومتطوعون من أبناء المنصورة فى الإعداد للإفطار بتجهيز ترابيزات المائدة لجلوس الحضور عليها، والتى تمتد إلى النيل بطول أكثر من 300 متر، ويضم الحفل فقرات التنورة والإنشاد الدينى للمنشد محمد هلال والعرائس المتحركة.
وقالت الصحفية إيمان عبدالهادى، أحد أعضاء الفريق، إن اليوم حضره أكثر من ألف من المدعوين، وكانت نسبة 20% منهم من الأسر البسيطة ودور الأيتام الذين تولى الفريق دعوتهم ونقلهم بأتوبيسات مجانية تبرعت بها إحدى شركات السياحة، بالإضافة إلى جمع تبرعات 20 جنيها على كل تذكرة دخول لصالح سداد ديون الغارمات، فى مبادرة «المنصورة بلا غارمات» وبعض الحضور عرض علينا التبرع بأكثر من المبلغ المطلوب.
وأكد النائب نبيل الجمل، عضو مجلس النواب، أن هذا اليوم من أفضل الأيام التى حضرها خلال شهر رمضان لأنه يجمع بين كل طوائف المجتمع بالمنصورة، ويسوده الود والمحبة وقال: «ياريت نكون كده على طول نحب بعض ونتواصل مع بعض ونخاف على بلدنا وأهلنا».
