قالت الحاجة فتحية، والدة النجم عصام الحضرى، حارس مرمى المنتخب المصرى، إن عصام قام بالاتصال بها مساء أمس الأربعاء، وطلب منها عدم القلق على المنتخب، وقال لها: إدعيلى بس، دى آخر مشاركة دولية، وأتمنى أختم تاريخى بشكل يليق بالتاريخ ده.
أخبار متعلقة
وأضافت والدة اللاعب أنها ردت: إن شاء الله ربنا هيوفقكوا، كلكوا رجالة، وبتبانوا فى الظروف دى، ونفسى تفرحوا المصريين فى العيد، وتبقى دى أحلى عيدية ليهم، عشان الناس دى نفسها تفرح.
يضيف عمرو الحضرى، شقيق عصام الحضرى: عصام اتصل بنا بعد ماتش بلجيكا، وكانت روحه المعنوية مرتفعه جداً، وعنده إصرار شديد.
وقال إن المباريات الودية مش بتعبر عن مستوى الفريق لأن الجهاز الفنى بيجرب فيها خطط ولاعبين وتغيير مراكز، يعنى الشعب المصرى ميخافش على المنتخب بتاعه، عندنا لاعيبة لهم أسماؤهم على مستوى العالم، وبيعرفوا يعملوا نتائج كبيرة، ويحققوا اللى محدش يتوقعه، وإن شاء الله هنكون مفاجأة المونديال، وهنشرف مصر.
أعرب شقيق اللاعب عن تمنيه أن يحقق شقيقه رقماً قياسياً عالمياً يليق بتاريخه، والعطاء الذى قدمه طوال عمره، لافتاً إلى أن عصام يملك عزيمة وإصراراً نادراً، وأتمنى أن يختتم تاريخه بالشكل اللائق.
