قال محمد صلاح، الدولي المصري المحترف في صفوف ليفربول الإنجليزي، إن أشياء كثيرة كانت ستتغير في مسيرته حاله توقيعه لنادي الزمالك قبل الانتقال لبازل السويسري.
أخبار متعلقة
وخلال حواره مع الإعلامي عمرو أديب، علق «صلاح» على مفاوضات الزمالك التي أجريت معه قبل الانضمام إلى بازل، والتي فشلت حينها: «لو كنت مضيت في الزمالك مكانش زماني دلوقتي بقيت في المكانة اللي أنا فيها، ومحدش يعرف برضه بس اللي أنا أقصده إن عامة الأهلي والزمالك غالبًا مابيسيبوش اللاعيبة تخرج منها كتير».
وأضاف: «الوقت اللي ماوقعتش فيه للزمالك بعدها بشهر مضيت في بازل، وكانت بداية حياتي الاحترافية، أنا مش بقول إن المقاولون مكانش محطة، المقاولون هما اللي طلعوني وعملوا محمد صلاح، لكن لوكنت مضيت للزمالك، ساعتها الدوري اتوقف بعدها بشهر بسبب أحداث استاد بورسعيد، وعمر ما كان النادي هايسيبك، هايقول لجمهوره إيه».
