البابا تواضروس لأقباط الاسكندرية: «فرصة العمر لا تعوض.. واللى بيروح مش بيرجع تانى»

ترأس البابا تواضروس الثاني، بابا الإسكندرية وبطريرك الكرازة المرقسية، صلاة القداس الالهى مساء أمس بكنيسة رئيس الملائكة الجليل ميخائيل في بيت الكرمة بكينج مريوط غرب الإسكندرية.

شارك البابا الصلاة كل من الأنبا كيرلس آفا مينا أسقف ورئيس دير الشهيد مارمينا بمريوط والأنبا بافلي الأسقف العام لكنائس قطاع المنتزه والمشرف على خدمة الشباب بالأسكندرية والأنبا إيلاريون، الأسقف العام لكنائس قطاع غرب الإسكندرية، والقمص رويس مرقص، وكيل البطريركية، والقس أنجيلوس إسحق، والقس أمونيوس عادل سكرتيرا البابا والقس أبرآم إميل، سكرتير مجلس كهنة الإسكندرية.

وعقب الصلاة ألقى البابا عظة روحية بحضور المئات من الشعب القبطى حملت عنوان «ماذا تريد ان أفعل بك» .

ودعا البابا الحضور إلى ضرورة اقتناص الفرصة قائلاً: لو شفنا حياة الانسان لها عدة فرص ففرصة العمر الروحية اقتنصها ولا تضيعها والفرص اللي بتروح مش بترجع وروى قصة في دير من أديرة خارج مصر كانوا دائماً كل واحده تصلى طلبة في بداية كل سنه جديدة وفى أخر السنه يشوفوا اللى اتحقق فجتلهم شحنه قماش بيفتحوا لقيوا قماش ستاير، فقالتلهم رئيسه الدير مين كان عايز قماش ستائر فطلعوا راهبتان فسألته الأم الريسه «طلبتوا ايه فالراهبه الأولى قالت أنا المسؤولة عن المكتبة وكنت عايزة قماش علشان النوافذ قلت يارب عايزين قماش للمكتبه والراهبه الثانية كانت مسؤوله عن المطبخ بتقول يارب أبعت لنا 5،31متر قماش للساتير فرئيسة الدير قالت طيب نطلع القماش ونقيسه ولو طلع 31،5متر يبقى للمطبخ وان اكتر أواقل يبقي للمكتبة ومن مذكرات الدير بيقول القماش طلع 31،5متر بالظبط.

ووجه النصيحة للأقباط بقوله: «الاستمرار وسط كل هذا الزحام أوعى تسمح لحد يكسر مجادفيك وسط الحياة الروحية أعرف أن الاستمرار والحياة الواضحة لها ثمارها واستجابتها ويصير الإنسان رائع ومبصر في حياته اطلب توبه ورحمة على الدوام واستمرار وتكون النتيجة أن لما أبصر تبع يسوع في الطريق».

وهنأ البابا الأقباط بقرب قدوم أسبوع الآلام المقدس قائلاً: «ربنا يحفظكم ويكون وياكم كل سنة وأنتم طيبين داخلين على الأيام المقدسة جمعة ختام الصوم ثم يبدأ أسبوع الالام المقدس الالام المحيية المخلصة والفرح اللي بيكون في هذه الأيام والوجبة المكثفة بصلواته لغايه جمعة الصلبوت ثم ليلة أبوغالمسيس وعيد القيامة ونحتفل بالقيامة في أيام الخماسين كل سنة وانت طيبين ربنا يحافظ عليكم ويحافظ على كنيسته في كل مكان طبعا هنتوقف الأسابيع اللى جاية كلها أسبوع الالام وأسابيع الخماسين».