عمرو أديب يدعو إلى تنحية الخلافات والمشاركة في الانتخابات: «كله لينا» (فيديو)

دعا الإعلامي عمرو أديب من سماهم «الغاضبين من الحكم» إلى تنحية خلافاتهم ومشكلاتهم جانبًا، والمشاركة في الانتخابات الرئاسية.

وقال، في برنامجه «كل يوم»، مساء الأحد: «أنا لا أخوّن أحد، بس اللي مش هينزل يبقى مش حاسس بينا، غضبان من حقك، مش طايق الأسعار طبعًا، عندك مشاكل مع المجال العام والحريات برضه من حقك».

وأضاف: «بييجي لحظة بتحط كل حاجة على جنب، زي لما تبقى متخانق مع أخوك، ويكون مطلع عينك، وييجي أخوك يقع في أمر جلل، في الحالة دي تروح تقول له طب خلي كل حاجة على جنب وأنا جاي لك».

وتابع: «في ناس زعلانة من البلد، أو غضبانة على الحكم، تجاوز ده يا أخي في الوقت اللي البلد عايزاك فيه، أنا مقدر زعلك (..) وخوف الرئيس ليس على المنافسة، ولكن على نسبة المشاركة، وفي النهاية كله لينا».

ويجري الاقتراع على الانتخابات الرئاسية اعتبارًا من الإثنين، على أن ينتهي الخميس المقبل، ويبلغ مجموع الناخبين على مستوى الجمهورية 59 مليون ناخب.