أخبار متعلقة
مصر مش عزبة ولا عندنا لانسر ولا فسبا».. بهذه الجمل استقبل أهالى حى الخليفة طلعت السادات، رئيس حزب «مصر القومى»، خلال المؤتمر الذى عقده مساء السبت، قبل وفاته بساعات، لدعم مرشحى قائمته فى الدائرة الرابعة علاء السقطى ووليد خليفة وسامى سرحان وحسين رشدى.
وقال «السادات» للحضور: «إن مكانشى دكر ماتنتخبهوش» فى إشارة منه لقوة مرشحيه، وأضاف: «أنا جايب رجالة فى قائمة حزبى». وعن الظروف العصيبة التى تشهدها مصر قال: «لابد من تجاوز هذه المرحلة حتى نشكل دولة تصنع مؤسسات، فللأسف مصر تتعرى من ولادها، وخلصنا من أحمد عز فجالنا تانى أحمد عز وكمال الشاذلى اللى مركب دقن، وهم يعرفون إنهم (بيعروا) مصر، وإن الاحتياطى النقدى هيخلص كمان أيام ومع ذلك مستمرين فى تخريب الدولة، بسبب حكومة فاشلة (جاية تشرب شاى وتروح)، وفيه ناس بتقبض وعاملة نفسها بتحارب الفساد، ومهانش على عصام شرف إنه يطلع ويقول أسماء الناس اللى خدت فلوس، وكل واحد دلوقتى تكلمه يقولك أنا جاى من التحرير، والحقيقة فيه مجموعة عايزة توصلنا إننا نخرب مصر بإيدينا». وطالب «السادات» بتفعيل دور المرأة وقال إن عليها دوراً كبيراً فى النهوض بالمجتمع وأن تعمل لصالح بلدها. وداعب «السادات» الحاضرات: «إنتو بس فالحين تتشطروا علينا فى البيت، وبره البيت مش سامعين لكم صوت» فضج الحضور بالضحك.
«
