قال الرئيس عبدالفتاح السيسي إن «المرتبات زادت من 2011 إلى الآن من 80 مليار جنيه إلى 230 مليار جنيه»، مضيفًا أنه «لو أنا بستلف 150 مليار جنيه، فخلال 7 سنوات تكون الـ150 مليارا بـ300 مليار جنيه إحنا بنستلفهم وندفع خدماتهم».
أخبار متعلقة
وأضاف السيسي، في مؤتمر حكاية وطن، بقاعة مؤتمرات الماسة، مساء الأربعاء: «إحنا منقدرش مندفعش الأجور دي والمعاشات دي، وإحنا بنستلفهم وهنستلفهم عشان دي مرتبات ناس ميقدروش يعيشوا من غيرهم».
وتابع: «إحنا كده رايحين على فين، وطيب الحل إيه يعني لو أنا دخلي 1000 لازم يبقى ألفين عشان يبقى اللي عليه 500 جنيه، وأنا بقول الـ150 مليارا بعد 5 سنين يبقوا 300 مليار، والـ300 هيبقوا بعد 5 سنين 600 مليار جنيه، وفي ناس بيقولوا أنا استلفت ليه، وهعمل إيه غير إننا نشتغل ونشتغل ونتحمل لكي ننهض على ببلدنا».
وأردف: «وحقيقي يا مصريين كنتم أعظم وأشرف وأكرم وشرفتوني وأكرمتموني ورفعتوا رأسي أمام الدنيا كلها باللي عملتوا»، مضيفًا أنه منذ بداية فترة رئاستي اتخذت على عاتقي مهمة القضاء على وباء فيروس سي.
