انتقد رضا عبدالعال، لاعب الزمالك والأهلي السابق، تصريحات حسام حسن، المدير الفني للمصري، ضد الزمالك، خلال المؤتمر الصحفي عقب مباراة السوبر الأخيرة والتي خسرها أمام الأهلي.
أخبار متعلقة
وقال «عبدالعال»، خلال تواجده ضيفًا ببرنامج «الحريف» على قناة «دي إم سي»: «أنا من أكتر الناس اللي بتحب حسام حسن، واللي طالبت بإنه يدرب المنتخب، لكن هو ماله بالأهلي والزمالك، أنت دلوقتي مدرب للمصري، خسرت الأهلي وجماهيره، ودلوقتي بتخسر جماهير الزمالك».
وأضاف: «كان في كل مصيبة للزمالك الجمهور بيقول عاوز حسام حسن، لكن دلوقتي انت خسرته، وكمان انت كنت قريب أوي من منتخب مصر وجمهور الزمالك كان هايبقى في ضهرك، في حالة رحيل كوبر بعد انتهاء كأس العالم، لكن دلوقتي بقيت بعيد عن المنتخب».
